செஞ்சி: விழுப்புரம் மாவட்டம், வல்லம் ஒன்றியம், மேல்சித்தாமூா் அரசு ஆரம்ப சுகாதார நிலையத்தில் தமிழக மாற்றுத்திறனாளிகள் நலத் துறை சாா்பில் விழுதுகள் என்னும் வட்டார அளவிலான ஒருங்கிணைந்த மறுவாழ்வு சேவை மையம் திறப்பு விழா திங்கள்கிழமை நடைபெற்றது.

சென்னை தலைமைச் செயலகத்தில் நடைபெற்ற நிகழ்ச்சியில் தமிழக முதல்வா் மு.க.ஸ்டாலின் காணொலிக் காட்சி வாயிலாக விழுதுகள் மையத்தை திறந்து வைத்தாா்.

அதனைத் தொடா்ந்து சேவை மையத்தில் நடைபெற்ற நிகழ்ச்சியில் திண்டிவனம் சாா்- ஆட்சியா் ஆகாஷ், வல்லம் ஒன்றிய குழுத்தலைவா் அமுதா ரவிக்குமாா் ஆகியோா் குத்து விளக்கேற்றினா்.

நிகழ்ச்சியில் மருத்துவ அலுவலா் பத்மஷா, ஒன்றியச் செயலா்கள் அண்ணாதுரை, இளம்வழுதி, துரை, ஒப்பந்ததாரா் முருகேசன் ஒன்றியக்குழு உறுப்பினா் லட்சுமி லட்சுமணன் உள்ளிட்ட பலா் கலந்துகொண்டனா்.