உங்கள் அண்ணன் மகனுக்கு தனுசு லக்னம், மிதுன ராசி. களத்திர ஸ்தானாதிபதி பாக்கியாதிபதியுடன் ஆறாம் வீட்டில் அமர்ந்து கேந்திராதிபத்ய தோஷம் நீங்கப் பெற்று தற்சமயம் தசையை நடத்துகிறார். அதில் குருபகவானான லக்னாதிபதியின் புக்தி நடப்பதால் இன்னும் ஒன்றரை ஆண்டுக்குள் படித்த நல்ல உத்தியோகத்திலுள்ள பெண் அமைந்து திருமணம் கைகூடும். களத்திர ஸ்தானத்திற்கு ஏற்ற சமதோஷம் பார்த்து சேர்க்க வேண்டியது அவசியம். உத்தியோகத்திலும் நல்ல வளர்ச்சியைக் காண்பார்.