உங்கள் மகளுக்கு ரிஷப லக்னம், மிதுன ராசி. தற்சமயம் லக்னத்தில் அமர்ந்திருக்கும் தன பூர்வ புண்ணியாதிபதியான புதபகவானின் தசை நடக்கத் தொடங்கியுள்ளது. மாங்கல்ய ஸ்தானாதிபதியும் லக்னாதிபதியும் மாங்கல்ய ஸ்தானத்தைப் பார்வை செய்வது சிறப்பு. அதோடு அவர்களின் பார்வை அங்கு அமர்ந்திருக்கும் தர்மகர்மாதிபதியின் மீது படிவதால் படித்த வரன் இந்த ஆண்டுக்குள் உங்கள் ஊரிலேயே அமைந்து திருமணம் கைகூடும். அரசு உத்தியோகமும் கிடைக்கும். மற்றபடி மணவாழ்க்கை, எதிர்காலம் சிறப்பாக அமையும். பிரதி புதன் மற்றும் வெள்ளிக்கிழமைகளில் பெருமாளையும் தாயாரையும் வழிபட்டு வரவும்.