உங்களின் கடைசி மகனுக்கு கடக லக்னம். ரிஷப ராசி. பூர்வபுண்ணிய ஸ்தானாதிபதி, குடும்பாதிபதி மற்றும் புதபகவான்கள் ஆறாம் வீட்டில் மறைவு பெற்றிருந்தாலும் தொழில் ஸ்தானத்திலுள்ள குருபகவானால் பார்க்கப்படுவதால் சிவராஜயோகம், குருமங்கள யோகம் ஆகிய யோகங்கள் உண்டாகின்றன. களத்திர ஸ்தானாதிபதி களத்திர ஸ்தானத்தைப் பார்வை செய்வதும் சிறப்பு. தற்சமயம், குருபகவானின் தசையில் களத்திர ஸ்தானாதிபதியின் புக்தி நடப்பதால் அடுத்த ஆண்டு ஏப்ரல் மாதத்திற்குள் சமதோஷமுள்ள பெண் அமைந்து திருமணம் கைகூடும். உங்கள் இனத்திலிருந்தே பெண் அமைவார். பிரதி சனிக்கிழமைகளில் சனிபகவானை வழிபட்டு வரவும். இந்த குருமஹா தசையில் முற்பகுதிக்குள் அதாவது இன்னும் 6 ஆண்டுகளுக்குள் சொந்த வீடு அமையும். தீர்க்காயுள் உண்டு.