உங்கள் அண்ணனுக்கு விருச்சிக லக்னம், மிதுன ராசி, திருவாதிரை நட்சத்திரம். லக்னம் மற்றும் ஆறாம் வீட்டுக்கதிபதியான செவ்வாய்பகவான் நீச்சபங்க ராஜயோகம் பெற்றிருக்கிறார். பூர்வபுண்ணியாதிபதி குருபகவான் பாக்கியாதிபதியான சந்திரபகவானுடன் இணைந்து குடும்ப ஸ்தானத்திலுள்ள சூரிய, புத, சுக்கிர பகவான்களைப் பார்வை செய்கிறார். களத்திர ஸ்தானாதிபதியை குருபகவான் பார்வை செய்கிறார். சிவராஜ யோகம் , புதஆதித்ய யோகம் ஆகிய சிறப்பான யோகங்கள் உள்ளன. தற்சமயம் குருபகவானின் பார்வையிலுள்ள புதபகவானின் தசை நடக்கிறது. அவருக்கு இன்னும் ஒன்றரை ஆண்டுக்குள் திருமணம் கைகூடும். பிரதி புதன்கிழமைகளில் ஸ்ரீராமபிரானை வழிபட்டு வரச் சொல்லவும். மற்றபடி எதிர்காலம் சிறப்பாக அமையும்.