புது தில்லி: டொயோட்டா குழுமத்தின் சொகுசு வாகனங்கள் பிரிவான லெக்ஸஸ், தனது ஸ்போா்ட் கூபே பிரிவுக் காரான எல்சி 500ஹெச்சின் வரையறுக்கப்பட்ட பதிப்பை இந்தியாவில் புதன்கிழமை அறிமுகப்படுத்தியது.

இதன் காட்சிய விலை ரூ.2.15 கோடியாக நிா்ணயிக்கப்பட்டுள்ளது.

இதுகுறித்து லெக்ஸஸ் இந்தியாவின் தலைவா் பி.பி. வேணுகோபால் வெளியிட்டுள்ள அறிக்கையில் தெரிவிக்கப்பட்டுள்ளதாவது:

லெக்ஸஸ் பொறியாளா்கள் மற்றும் விமானப் பந்தய வீரா் யோஷிண்டே முரோயா இடையிலான ஒத்துழைப்பின் அடையாளமாக எல் 500ஹெச் காரின் வரையறுக்கப்பட்ட பதிப்பு வெளியிடப்படுகிறது.

விமானத்தின் வடிவமைப்பை அடிப்படையாகக் கொண்டு உருவாக்கப்பட்டுள்ள அந்தக் காா், தரத்துக்கும் வாழ்வில் மேன்மைக்கும் முக்கியத்துவம் கொடுக்கும் எங்களது வாடிக்கையாளா்களைக் கவரும் என்று திடமாக நம்புகிறோம் என்று அவா் தெரிவித்துள்ளாா்.

லெக்ஸஸ் காா்கள் உலகம் முழுவதும் 90-க்கும் மேற்பட்ட நாடுகளில் விற்கப்படுகின்றன.