ஹிந்துஜா குழுமத்தைச் சேர்ந்த அசோக் லேலண்ட் நிறுவனத்தின் டிசம்பர் மாத வாகன விற்பனை 12 சதவீதம் குறைந்தது.
இதுகுறித்து அந்த நிறுவனம் தெரிவித்துள்ளதாவது: அசோக் லேலண்ட் நிறுவனம் சென்ற டிசம்பரில் 10,731 வாகனங்களை விற்பனை செய்தது. கடந்த 2015-ஆம் ஆண்டின் இதே கால அளவில் விற்பனையான 12,154 வாகனங்களுடன் ஒப்பிடுகையில் இது 12 சதவீத சரிவாகும்.
கனரக மற்றும் நடுத்தர வகை வர்த்தக வாகனங்களின் விற்பனை 9,703 என்ற எண்ணிக்கையிலிருந்து 9 சதவீதம் சரிந்து 8,782-ஆக காணப்பட்டது. இலகு ரக வர்த்தக வாகனங்கள் விற்பனையும் 20 சதவீதம் குறைந்து 1,949-ஆக காணப்பட்டது என்று அசோக் லேலண்ட் தெரிவித்துள்ளது.