காப்பீட்டு பாலிசிகள் விநியோகிப்பது தொடர்பான வர்த்தகத்தில் இந்தியன் வங்கி, எஸ்பிஐ லைஃப் நிறுவனத்துடன் கைகோத்துள்ளது.
எஸ்பிஐ லைஃப் இன்சூரன்ஸ் நிறுவனம் தனிநபர் மற்றும் குழுக் காப்பீட்டு பாலிசிகளை விற்பனை செய்வதற்காக  
இந்தியன் வங்கியுடன் கூட்டு சேர்ந்துள்ளது. இதற்கான ஒப்பந்தம், இந்தியன் வங்கியின் நிர்வாக இயக்குநர்-தலைமைச் செயல் அதிகாரி பத்மஜா சுந்துரு மற்றும் எஸ்பிஐ லைஃப் நிறுவனத்தின் நிர்வாக இயக்குநர் சஞ்சீவ் நௌதியால் ஆகியோர் முன்னிலையில் கையெழுத்தானது.
இந்த ஒப்பந்தத்தின்படி, நாடு முழுவதுமுள்ள 2851 இந்தியன் வங்கி கிளைகளில், எஸ்பிஐ லைஃப் இன்சூரன்ஸின் காப்பீட்டு பாலிசிகள் விற்பனை செய்யப்படும். ஆயுள் காப்பீட்டு பாலிசி விற்பனைக்கு தேவையான பயிற்சி மற்றும் செயல்பாட்டு நடைமுறைகளை இந்தியன் வங்கிக்கு, எஸ்பிஐ லைஃப் வழங்கும்.