திருடா திருடா படத்தில் நடித்த அனு அகர்வால் (கொஞ்சம் நிலவு கொஞ்சம் நெருப்பு பாடலில் வருகிறவர்) தனது சுயசரிதையை விரைவில் வெளியிட உள்ளார்.

இதுகுறித்து தன் ஃபேஸ்புக் பக்கத்தில் அவர் எழுதியதாவது:

இது பாலிவுட் ஹிட் படத்தை விடவும் பெரிதானது. எதிர்பாராத வாழ்க்கை. அடுத்த மாதம் கடைகளில் கிடைக்கும். ‘அன்யூசுவல்’ புத்தகத்தை வாங்கிப் படியுங்கள் என்று குறிப்பிட்டுள்ளார்.

1990-ல் ஆஷிக் என்கிற ஹிந்திப் படத்தில் அறிமுகமான அனு அகர்வால், குறைவான படங்களிலேயே நடித்துள்ளார். தமிழில் திருடா திருடா படத்தில் நடித்தவர்.

1999ல் ஏற்பட்ட விபத்தால் 29 நாள் கோமாவிலிருந்து மீண்டு வந்தார். தன் வாழ்க்கையில் நடந்த பரபரப்பான உண்மைச் சம்பவங்கள் பலவற்றை இந்தப் புத்தகத்தில் எழுதியுள்ளதாகத் தெரிகிறது.