தமிழ்நாடு திரைப்பட இயக்குநர்கள் சங்கத்தின் தேர்தல் வரும் ஜூலை 7-ம் தேதி நடைபெற உள்ளது.

இப்போது இயக்குநர்கள் சங்கத்தின் தலைவராக இயக்குநர் விக்ரமன் உள்ளார். 2015-2017-ம் ஆண்டுக்கான தேர்தல் குறித்து வெளியிடப்பட்டுள்ள அறிக்கையின் விவரம் பின்வருமாறு:

2015-2017 ஆம் ஆண்டுக்கான தேர்தல் அறிவிப்பு:

தமிழ்நாடு திரைப்பட இயக்குநர்கள் சங்கத்தின் தேர்தல் வரும் 05-07-2015 அன்று 157, N.S.கிருஷ்ணன் சாலை, வடபழனி, சென்னை-600 026 என்ற முகவரியில் உள்ள திரைப்பட இசைக்கலைஞர்கள் சங்க அரங்கில் (கமலா திரையரங்கம் அருகில்) காலை 7 மணி முதல் மாலை 4 மணி வரை நடைபெறும். தேர்ந்தெடுக்கப்படவேண்டிய புதிய நிர்வாகம் கீழ்க்கண்டவாறு அமையும்.

தலைவர் – 1, துணைத்தலைவர்கள் – 2, பொதுச்செயலாளர் – 1, இணைச்செயலாளர்கள் – 4, பொருளாளர் – 1, செயற்குழு உறுப்பினர்கள் – 12.

தேர்தல் நாள் ஜூலை 5 ஞாயிறு (05-07-2015).

தேர்தல் முடிந்தவுடன் வாக்கு எண்ணிக்கை தொடங்கப்பட்டு முடிவுகள் அறிவிக்கப்படும். தேர்தல் விதிமுறைகள் சங்க அறிவிப்பு பலகையில் வெளியிடப்படும். தேர்தலைப் பொறுத்த வரையில் தேர்தல் அதிகாரியின் முடிவே இறுதியானது.   

குறிப்பு: 2014-ம் ஆண்டு சந்தாவை செலுத்தியவர்கள் மட்டுமே 5-7-2015 தேர்தலில் வாக்களிக்க முடியும். சந்தா செலுத்தாதவர்கள் வாக்களிக்க முடியாது. 2014-ம் ஆண்டு சந்தாவைச் செலுத்த கடைசி தேதி 15-06-2015. தேர்தலில் போட்டியிடும் வேட்பாளர்கள் 2014-ம் ஆண்டு சந்தாவோடு, 2015-ம் ஆண்டு சந்தாவையும் செலுத்தியிருக்க வேண்டும். சந்தா செலுத்த கடைசி தேதி, 15-06-2015. 2015-ம் ஆண்டு சந்தா பாக்கி இருப்பவர்கள் தேர்தலில் போட்டியிட முடியாது.

தேர்தல் குறித்த மேலதிக தகவல்களைப் பெற www.tantis.org இணையதளம் மற்றும் tantis tantis Facebook சென்று பார்க்கவும் என்று அந்த அறிக்கையில் தெரிவிக்கப்பட்டுள்ளது.