காக்கா முட்டை படத்துக்கு கர்நாடக அரசு முழுமையான வரிச்சலுகை அளித்துள்ளது. கர்நாடகாவில் வேற்று மொழிப் படம் ஒன்றுக்கு முதல்முறையாக இந்தச் சலுகை கிடைத்திருப்பது பெருமைக்குரிய விஷயமாகப் பார்க்கப்படுகிறது. 

தனுஷ் மற்றும் வெற்றிமாறன் இருவரது கூட்டுத் தயாரிப்பில் மணிகண்டன் இயக்கத்தில் வெளியான 'காக்கா முட்டை' ரசிகர்களின் பாராட்டில் நனைவதோடு, அமோக வசூலையும் பெற்றுள்ளது. இந்தப் படம் கர்நாடகாவிலும் வெளியிடப்பட்டுள்ளது. இதற்கு வரிவிலக்கு அளித்துள்ளது கர்நாடக அரசு. தரமான படம் மற்றும் தேசிய விருதுகள் வாங்கியது போன்ற காரணங்களால் இந்தச் சலுகை வழங்கியிருப்பதாகத் தெரிகிறது.

காக்கா முட்டை கேரளாவில் ஜூன் 26-ம் தேதி வெளியாகிறது.