பாகுபலி 2 ஹிந்திப் படத்தின் வெளிநாட்டு விநியோகஸ்தர்!

பிரபாஸ், ராணா டகுபதி, அனுஷ்கா, தமன்னா, சத்யராஜ், ரம்யா கிருஷ்ணன் போன்றோர் நடிப்பில் தெலுங்கு, தமிழ், மலையாளம், ஹிந்தி ஆகிய மொழிகளில் உருவான படம் - பாகுபலி. இதனை இயக்கியவர், ராஜமெளலி.

ரூ. 600 கோடி வரை வசூலித்து பல சாதனைகளைச் செய்த பாகுபலியின் 2-ம் பாகமான, 'பாகுபலி தி கன்க்ளூஷன்’ படம் ஏப்ரல் 28 அன்று பாகுபலி 2 வெளிவருகிறது. கீரவாணி இசையில் உருவாகியுள்ள பாகுபலி 2 படத்தின் தமிழ்ப் பாடல்கள் சமீபத்தில் வெளியிடப்பட்டன.

இந்நிலையில், அமெரிக்கா, பிரிட்டன், ஆஸ்திரேலியா, நியூசிலாந்து ஆகிய நாடுகளில் Cinestaan AA என்கிற நிறுவனம் பாகுபலி 2 ஹிந்திப் பதிப்பின் விநியோக உரிமையைப் பெற்றுள்ளது.

இந்த வாய்ப்பு கிடைத்தது மிக்க மகிழ்ச்சி. எங்கள் மீது நம்பிக்கை வைத்த படக்குழுவுக்கு நன்றி என அந்நிறுவனம் அறிக்கை வெளியிட்டுள்ளது.