தமிழில் சிறைச்சாலை உள்ளிட்ட படங்களை இயக்கியவர் இயக்குநர் பிரியதர்ஷன். இவருடைய இயக்கத்தில் உருவாகியுள்ள சில சமயங்களில் விரைவில் வெளிவரவுள்ளது. இந்நிலையில் உதயநிதி ஸ்டாலின் நடிக்கும் படத்தை இயக்கி வருகிறார் பிரியதர்ஷன். மலையாளப் படமான Maheshinte Prathikaram-னின் ரீமேக்கில் இருவரும் கூட்டணி அமைத்துள்ளார்கள். 

இந்நிலையில் ட்விட்டரில் இணைந்துள்ளார் இயக்குநர் பிரியதர்ஷன். ஆரம்ப ட்வீட்களாக உதயநிதி ஸ்டாலின் நடிக்கும் படத்தின் புகைப்படங்களை வெளியிட்டுள்ளார். 

இயக்குநர் பிரியதர்ஷன் - நடிகை லிசியின் மகள் கல்யாணி திரைப்படத்தில் கதாநாயகியாக அறிமுகமாகவுள்ளார். 24 பட இயக்குநர் விக்ரம் குமாரின் அடுத்தப் படத்தில் கல்யாணி கதாநாயகியாக அறிமுகமாகவுள்ளார். நாகார்ஜூனாவின் மகன் அகில் கதாநாயகனாக நடிக்கிறார். இத்தகவலை விக்ரம் குமார் உறுதிப்படுத்தியுள்ளார்.