தமிழின் முன்னணிப் பாடலாசிரியரான மதன் கார்க்கி தெலுங்கில் முதல்முதலாகப் பாடல் எழுதியுள்ளார்.

இத்தகவலை அவர் ட்விட்டரில் வெளியிட்டுள்ளார். ஸ்பைடர் படத்துக்காக என்னுடைய முதல் தெலுங்குப் பாடலை எழுதியுள்ளேன். என்மீது நம்பிக்கை வைத்த இயக்குநர் முருகதாஸ், இசையமைப்பாளர் ஹாரிஸ் ஜெயராஜ் ஆகியோருக்கு நன்றி என்று கூறியுள்ளார். 

மகேஷ்பாபு நடிப்பில் உருவாகியுள்ள ஸ்பைடர் படத்தை ஏ.ஆர்.முருகதாஸ் இயக்கியுள்ளார். தெலுங்கு மற்றும் தமிழில் உருவாகியுள்ள இப்படத்தில் ரகுல் ப்ரீத் சிங், எஸ்.ஜே.சூர்யா, பரத், ஆர்.ஜே.பாலாஜி உள்ளிட்ட பலர் நடித்துள்ளார்கள். இப்படத்துக்கு ஹாரிஸ் ஜெயராஜ் இசையமைத்துள்ளார். சந்தோஷ் சிவன் ஒளிப்பதிவு செய்துள்ள படத்தை என்.வி.பிரசாத் மற்றும் தாகூர் மது தயாரித்துள்ளார்கள்.