பாபி சிம்ஹா - நடிகை ரேஷ்மிக்குப் பெண் குழந்தை!

நடிகர் பாபி சிம்ஹா - நடிகை ரேஷ்மி ஆகியோருக்குப் பெண் குழந்தை பிறந்துள்ளது.

பாபி சிம்ஹா நடிப்பில் சக்திவேல் பெருமாள்சாமி இயக்கிய படம் உறுமீன். இந்தப் படத்தில் நடித்த பாபி சிம்ஹா, ரேஷ்மி மேனன் ஆகிய இருவரும் காதலர்கள் ஆனார்கள். பிறகு இவர்களுடைய திருமண நிச்சயதார்த்தம் சென்னையில் 2015, நவம்பர் 8-ம் தேதி நடைபெற்றது. பிறகு கடந்த வருடம் ஏப்ரல் 22-ம் தேதி இருவருக்கும் திருப்பதியில் திருமணம் நடைபெற்றது.

இந்நிலையில் சமீபத்தில் சென்னையில் உள்ள தனியார் மருத்துவமனையில் நடிகை ரேஷ்மிக்குப் பெண் குழந்தை பிறந்துள்ளது.