கேன்ஸ் சிவப்புக் கம்பள வரவேற்பு நிகழ்வில் ஷ்ருதி ஹாசன்!

இயக்குநர் சுந்தர்.சி-யின் மெகா பட்ஜெட் படமான சங்கமித்ரா-வின் தொடக்க விழா கேன்ஸ் படவிழாவில் நடைபெறவுள்ளது. 

கேன்ஸ் படவிழா மே 17 முதல் 28 வரை நடைபெறவுள்ளது. இதன் தொடக்க விழாவின் விளம்பரதார்களில் ஒன்று, தேனாண்டாள் பிலிம்ஸ் நிறுவனம். இதையடுத்து கேன்ஸ் தொடக்க விழாவின்போது சங்கமித்ரா படத்தின் தொடக்க விழாவையும் நடத்த திட்டமிடப்பட்டுள்ளது. இந்த விழாவில் ஏ.ஆர். ரஹ்மான் உள்ளிட்ட படக்குழுவினர் கலந்துகொள்ள உள்ளார்கள்.  

ரூ. 350 கோடி பட்ஜெட்டில், ஏ.ஆர். ரஹ்மான் இசையில் வரலாற்றுப் பின்னணியோடு உருவாக இருக்கும் இப்படம், தமிழ், தெலுங்கு, ஹிந்தி உள்ளிட்ட மொழிகளில் வெளிவரவுள்ளது. ஜெயம் ரவி, ஆர்யா, ஸ்ருதி ஹாசன் போன்றோர் நடிக்கவுள்ளார்கள்.

மே 18 இரவு அன்று நடைபெறவுள்ள தொடக்கவிழாவில் பிரபலங்களுக்கு சிவப்புக் கம்பள வரவேற்பு தரப்படவுள்ளது. சங்கமித்ரா-வின் தொடக்க விழாவில் கலந்துகொள்ளும் ஷ்ருதி ஹாசனுக்கும் சிவப்புக் கம்பள வரவேற்பு அளிக்கப்படுகிறது.