அதர்வா நடிக்கும் புதிய படம்!

ஜெயம் கொண்டான், கண்டேன் காதலை, வேட்டை, ஒரு ஊர்ல ரெண்டு ராஜா, இவன் தந்திரன் ஆகிய படங்களை இயக்கியுள்ள ஆர்.கண்ணனின் அடுத்த படத்தில் கதாநாயகனாக அதர்வா நடிக்கிறார். 

இப்படத்தின் இசையமைப்பாளர் ‘அர்ஜுன் ரெட்டி’ படப் புகழ் ரதன், ஒளிப்பதிவு பிரசன்னா. ஆர்.கண்ணனின்  'மசாலா பிக்ஸ்' நிறுவனமும், எம்.கே.ராம்பிரசாத்தின் எம்.கே.ஆர்.பி நிறுவனமும் இணைந்து தயாரிக்கவுள்ளன. 

ஆக்‌ஷன் ஜானரில் உருவாகவிருக்கும் இப்படத்தில் விறுவிறுப்புக்கு குறையிருக்காது, அதர்வா இதில் வித்தியாசமான கதாபாத்திரத்தில் நடிக்கிறார் என்று கூறினார் கண்ணன். இப்படத்தின் கதாநாயகி மற்றும் துணை பாத்திரங்களில் தேர்வு விரைவில் தொடங்கவிருக்கிறது.

ஜனவரி மாதம் திருநெல்வேலியில் படப்பிடிப்பு தொடங்கவிருக்கும் இப்படத்துக்கு இன்னும் பெயர் சூட்டப்படவில்லை. ஏப்ரல் அல்லது மே மாதத்தில் படத்தை வெளியிட முடிவு செய்துள்ளார்களாம்.