ஜூனியர் என்டிஆர், ராஷி கண்ணா, நிவேதா தாமஸ் நடிப்பில் பாபி (கேஎஸ் ரவிந்திரா) இயக்கத்தில் வியாழன் அன்று வெளியான படம் -  ஜெய் லவ குசா.

ரசிகர்களால் மிகவும் எதிர்பார்க்கப்பட்ட இந்தப் படம் வசூலில் சாதனை படைத்து வருகிறது. முதல் நாளன்று உலகம் முழுக்க ரூ. 47 கோடி வசூலித்துள்ளது. ஆந்திரா/ தெலங்கானாவின் முதல் நாள் வசூல் - ரூ. 32 கோடி. அமெரிக்காவிலும் அபாரமான வசூல். வெள்ளிவரை 0.97 மில்லியன் டாலர் வசூல் செய்துள்ளது. அதாவது அமெரிக்காவில் மட்டும் முதல் மூன்று நாள்களில் கிடைத்த வசூல் - ரூ. 6 கோடி 34 லட்சம். சனியன்று 1 மில்லியன் டாலர் வசூலை அமெரிக்காவில் எட்டவுள்ளது.

இந்நிலையில் ஜெய் லவ குசா படம் தமிழ்நாட்டிலும் நல்ல வசூலைப் பெற்று வருகிறது. முதல் நாளன்று தமிழ்நாட்டில் மட்டும் ரூ. 71 லட்சம் வசூல் கிடைத்துள்ளது. இதையடுத்து நேரடித் தெலுங்குப் படங்களில் முதல் நாளன்று அதிக வசூலைப் பெற்ற படம் என்கிற பெருமையை ஜெய் லவ குசா பெற்றுள்ளது.