சென்னை: இயக்குநர் விஜய் மில்டன் இயக்கி வரும் கோலி சோடா 2 படத்தின் ட்ரைலர் வெளியிடப்பட்டுள்ளது.  

ஒளிப்பதிவாளர், இயக்குநர் விஜய் மில்டனின் இயக்கத்தில் உருவாகி 2014-ஆம் ஆண்டு வெளிவந்து பெருவெற்றி பெற்ற படம் 'கோலி சோடா'. தற்பொழுது அதன் தொடர்ச்சியாக கோலி சோடா-2 வினை இயக்குநர் விஜய் மில்டன் உருவாக்கி வருகிறார்.

வாலிபால் மற்றும் இதர விளையாட்டுகளை அடிப்படையாகக் கொண்டு 'ஸ்போர்ட்ஸ் மூவியாக' இது உருவாகி வருகிறது.  நடிகர் கிஷோர், இயக்குனர் சமுத்திரக்கனி மற்றும் விஜய் மில்டனின் சகோதரர் பரத் சீனி உள்ளிட்டோர் இதில் நடித்து வருகின்றனர். 

அத்துடன் இந்தப் படத்தில் சிறப்புத் தோற்றத்தில் இயக்குனர் கெளதம் மேனன் நடிக்கும் ஆச்சர்ய தகவலும்  வெளியானது.

இந்நிலையில் கோலி சோடா 2 படத்தின் ட்ரைலர் புதன் மாலை வெளியிடப்பட்டுள்ளது. எதிர்பார்ப்பினைத் தூண்டும் வகையில் ட்ரைலர் இருப்பதாக ரசிகர்கள் தெரிவிக்கின்றனர்.