பொன்ராம் இயக்கத்தில் வருத்தப்படாத வாலிபர் சங்கம், ரஜினிமுருகன் ஆகிய படங்களில் நடித்த சிவகார்த்திகேயன் மீண்டும் அவருடைய இயக்கத்தில் நடித்துள்ளார். 

சீமராஜா என்று பெயரிடப்பட்டுள்ள இந்தப் படத்தில் சிவகார்த்திகேயன், சமந்தா, சூரி, நெப்போலியன், சிம்ரன், யோகி பாபு உள்ளிட்ட பலர் நடித்துள்ளார்கள். இசை - இமான், ஒளிப்பதிவு - பாலசுப்ரமணியம், பாடல்கள் - யுகபாரதி. விநாயகர் சதுர்த்தி அன்று (செப்டம்பர் 13) படம் வெளியாகும் என அறிவிக்கப்பட்டுள்ளது. 24ஏஎம் ஸ்டுடியோஸ் தயாரிப்பில் உருவாக்கப்பட்டுள்ள இப்படத்தின் தொலைக்காட்சி உரிமையை சன் டிவி பெற்றுள்ளது.

இப்படத்தின் இசை வெளியீட்டு விழா, மதுரையில் ஆகஸ்ட் 3 அன்று நடைபெறவுள்ளது. இந்தப் படத்தில் சூப்பர் சிங்கர் தொலைக்காட்சி நிகழ்ச்சியில் வெற்றி பெற்ற திவாகர், செந்தில் ஆகியோர் பாடியுள்ளதாக இமான் கூறியுள்ளார். 

இந்நிலையில் வாரேன் வாரேன் சீமராஜா என்கிற பாடல் மட்டும் தற்போது வெளியிடப்பட்டுள்ளது. யுகபாரதி எழுதியுள்ள இந்தப் பாடலை திவாகரும் கவிதா கோபியும் பாடியுள்ளார்க்ள்.