கெளதம் மேனன் இயக்கத்தில் வெளிவரவிருக்கும் படமான எனை நோக்கி பாயும் தோட்டாவில் கதாநாயகியாக நடித்துள்ளார் மேகா ஆகாஷ். தற்போது கார்த்திக் சுப்புராஜ் இயக்கத்தில் ரஜினி நடிக்கவிருக்கும் புதிய படத்தில் ஒப்பந்தமாகியுள்ளார் மேகா.

கார்த்திக் சுப்புராஜ் இயக்கும் இப்படத்தை சன் பிக்சர்ஸ் தயாரிக்கிறது. விஜய் சேதுபதி ரஜினிக்கு எதிர் நாயகனாக நடிக்கவிருக்கிறார். பாபி சிம்ஹா, சனந்த் ரெட்டி ஆகியோர் ரஜினிக்கு மகன்களாகவும், சிம்ரன் ரஜினிக்கு ஜோடியாகவும் நடிக்கவிருக்கிறார்கள்.

இன்னும் பெயரிடப்படாத இப்படத்தை சன் பிக்சர்ஸ் நிறுவனம் தயாரிக்கிறது. அனிருத் இசையமைக்கும் இப்படத்தின் படப்பிடிப்பு காலா வெளியீட்டுக்குப் பிறகு விரைவில் துவங்கும் என்றனர் படக்குழுவினர். இதற்காக இளம் தோற்றத்தில் ரஜினி நடிக்கும் காட்சிகள் முதலில் படமாக்கப்படும். விரைவில் படம் குறித்த அதிகாரபூர்வமான தகவல் வெளிவரும் என்று எதிர்ப்பார்க்கப்படுகிறது.

தற்போது அதர்வாவுடன் பூமராங் என்ற படத்தில் நடித்து வருகிறார் மேகா.