இன்று காலை காலா டீஸரைப் பார்த்தவுடன் வழக்கம் போல ரஜினி ரசிகர்கள் கொண்டாட்டத்தில் உள்ளனர். சிலர் விமரிசனம் செய்யத் தொடங்கிவிட்டனர். மீம்ஸ் க்ரியேட்டர்கள் இணையதளத்தில் பலவிதமான மீம்ஸ்களை உருவாக்கி மகிழ்கின்றனர்.

இயக்குநரும் கதாநாயகனும் இணைந்த அதே சமயம் கதையும் இணைந்து விட்டதா என்று சாமான்ய ரசிகர்கள் குழப்பத்தில் ஆழ்ந்தனர்.

'யார்ரா அந்த கபாலி? வரச் சொல்லுடா அவனை’ இது கபாலி

‘காலா என்னடா அது பேரு?’இது காலா

கபாலியில் விசிலுடன் ஆரம்பிக்கும், காலாவில் விசிலுடன் முடிகிறது டீஸர்

நீங்க ஏன் கேங்ஸ்டரா ஆனீங்க என்பதற்கு அட்டகாசமாக சிரிப்பார் ரஜினி. இதில் அமைதியாக காலாவிற்கு விளக்கம் தருவது அழகு.

நெருப்புடா, மகிழ்ச்சி, என்ன லா? என்ன லே இப்படி சில பல ஒற்றுமைகள். காலாவில் ரஜினி அமர்ந்திருக்கும் தோரணையும், டயலாக் பேசுவதும், இசையும், குரலும், எடிட்டிங்கும், பின்னணியும் என எல்லாமும் ஒன்றை மற்றொன்று பிரதிபலிப்பது போலவே உள்ளது. 

அதே இயக்குநர்...அதே நடிகர்....அதே இசையமைப்பாளர்....மொத்த டீமும் மீண்டும் அதே எனும் போது தற்போது கபாலி இரண்டாம் பாகமா காலா என்றும் மீம்ஸ் போடுகிறார்கள் நெட்டிசன்கள்.

காலா டீஸர் இதுவரையில் 67 லட்சம் வரை பார்வையாளர்களைப் பெற்றுள்ளது என்பது குறிப்பிடத்தக்கது.