சல்மான் கான் - சோனாக்‌ஷி சின்ஹா ஆகியோர் நடிக்கும் டபாங் 3 படத்தை நடிகரும் இயக்குநருமான பிரபுதேவா இயக்கவுள்ளார்.

கடைசியாக 2015-ல் சிங் இஸ் பிளிங் என்கிற ஹிந்திப் படத்தை இயக்கினார் பிரபுதேவா. அவர் இயக்கும் 7-வது ஹிந்திப் படம் இது. 

2010-ல் வெளியான டபாங் முதல் பாகத்தை அபினவ் காஷ்யப்பும் 2012-ல் வெளியான இரண்டாம் பாகத்தை அர்பாஸ் கானும் இயக்கினார்கள். 2009-ல் பிரபுதேவா இயக்கிய முதல் ஹிந்திப் படமான வாண்டட் படத்துக்குப் பிறகு மீண்டும் அவருடன் இணைந்துள்ளார் சல்மான் கான். மேலும் பிரபுதேவா இயக்கத்தில் சோனாக்‌ஷி சின்ஹா நடிக்கும் 4-வது படமிது.