தேசிய விருது பெற்ற நியூட்டன் திரைப்படப்புகழ் பங்கஜ் திரிபாதியைத் தெரியுமா? காலாவில் ரஜினியுடன் எஸ் ஐ ஆக நடித்திருப்பாரே அவர் தான். அவர் நடிகை ஷகீலாவின் வாழ்க்கைச் சித்திரத்தில் நடிக்கவிருக்கிறார். தென்னிந்திய நடிகராக நடிப்பதில் இது அவரது முதல்முயற்சி. பயோபிக் வகையைச் சேர்ந்த இந்த திரைப்படத்தில் ஷகீலாவாக நடிக்கவிருக்கிறார் ரிச்சா சதா எனும் இந்தி நடிகை.

ஷகீலா அடிப்படையில் ஒரு மலையாள நடிகை என்பதால்... அவரது கதையை திரைப்படமாக்குகையில் இந்தி நடிகர்களின் திரைமொழி மலையாள மண் வாசத்துடன் ஒட்டாமல்... தனித்துத் தெரியக் கூடாது என்பதற்காக தற்போது பங்கஜ் திரிபாதி மலையாளம் கற்று வருகிறாராம். மலையாள நடிகர்கள் இந்தித் திரைப்படங்களில் நடித்திருக்கும் டிவிடிக்களை வாங்கி வைத்துக் கொண்டு அவர்களது மலையாள உச்சரிப்பைப் புரிந்து கொள்ள முயன்று வருகிறாராம்.