பிரபல இயக்குநர் சஞ்சய் லீலா பன்சாலியின் புதிய ஹிந்திப் படத்தில் சல்மான் கான் கதாநாயகனாக நடிக்கவுள்ளார். இதற்கான அறிவிப்பு வெளியாகியுள்ளது. 

இந்தப் படத்தில் ஆலியா பட் கதாநாயகியாக நடிக்கவுள்ளார். இன்ஷாலா (Inshallah) என்று பெயரிடப்பட்டுள்ள இந்தப் படத்தின் மூலமாக 20 வருடங்களுக்குப் பிறகு இணைகிறார்கள் சல்மான் கானும் சஞ்சய் லீலா பன்சாலியும். இதற்கு முன்பு காமோஷி (1996), ஹம் தில் சுகே சனம் (1999) ஆகிய படங்களில் இருவரும் இணைந்து பணியாற்றினார்கள். 2007-ல் வெளியான சாவரியா படத்தில் சிறிய வேடத்தில் நடித்தார் சல்மான்.