ரிதேஷ் தேஷ்முக், சித்தார்த் மல்ஹோத்ரா, தாரா நடிப்பில் மிலாப் ஸவேரி இயக்கத்தில் உருவான ஹிந்திப் படம் - மர்ஜாவான். நவம்பர் 8 அன்று வெளியாகவுள்ள இந்தப் படத்தின் டிரெய்லர் நேற்று வெளியானது. இசை - தனிஷ்க் பக்சி, மீட் ப்ரோஸ், பாயல் தேவ். 

அந்தப் படத்தின் டிரெய்லரில் இமான் இசையமைப்பில் வெளியான விஸ்வாசம் படத்தின் பின்னணி இசை பயன்படுத்தப்பட்டிருந்தது. இதையடுத்து ட்விட்டரில் இதுகுறித்து புகார் அளித்தார் இசையமைப்பாளர் இமான். மர்ஜாவான் படத்தில் விஸ்வாசம் படத்தின் பின்னணி இசை பயன்படுத்தப்பட்டது எனக்குத் தெரியாது. தயாரிப்பு நிறுவனத்திடமிருந்தோ ஆடியோ நிறுவனத்திடமிருந்தோ இதுகுறித்த தகவல் எதுவும் வரவில்லை என்றார். 

இதையடுத்து யூடியூபில் வெளியான மர்ஜாவான் பட டிரெய்லரின் குறிப்பில் பின்னணி இசை - இமான் எனச் சேர்க்கப்பட்டது.