மார்ச் 20 ஆம் தேதி வெளியிட திட்டமிடப்பட்டிருந்த இர்ஃபான் கானின் "ஆங்ரேஸி மீடியம்" என்ற படம் இப்போது ஒரு வாரத்திற்கு முன்பு மார்ச் 13 ஆம் தேதி திரையரங்குகளுக்கு வரும்.
இந்தப் படத்தின் ட்ரெய்லர் ரசிகர்களிடையே நல்ல வரவேற்பைப் பெற்றுள்ளது, இர்ஃபானை வெள்ளித்திரையில் மீண்டும் பார்க்க உற்சாகப்படுத்தியது.
இந்த மாற்றம் குறித்த செய்தியை தயாரிப்பாளர் தினேஷ் விஜன் உறுதிப்படுத்தினார்: 'ஆங்ரேஸி மீடியம்' படப்பிடிப்பு சமயத்தில், துரதிர்ஷ்டவசமாக இர்ஃபானுக்கு உடல்நலக் குறைவு ஏற்பட்டது. அவரது சிகிச்சைக்காக வெளிநாட்டுக்குச் சென்றதால் படப்படிப்பு தாமதமாகியது.
"ஆனால் ஆச்சரியமான விஷயம் என்னவென்றால், பாலிவுட்டில் பலர் எங்களுக்கு பக்கபலமாக அணி திரண்டுள்ளனர். கரண் ஜோஹர் நிபந்தனையற்ற நட்புறவைக் காட்டியுள்ளார், மேலும் அவரது படமான 'குஞ்சன் சக்சேனா' வெளியீட்டு தேதியை மாற்றிக் கொள்வதன் மூலமும், ஏப்ரல் மாதத்தில் எனது 'ரூஹி அஃப்ஸா' வெளியீட்டு தேதியை எடுத்துக் கொண்டதன் மூலமும் மிகப் பெரிய உதவியைச் செய்துள்ளார். இந்தத் துறையில் உள்ள அனைவரும் ஒருவருக்கொருவர் ஆதரவளிப்பதைப் பார்ப்பது மனது நெகிழ்ச்சியடைகிறது. எனது மனமார்ந்த நன்றி. எதிர்காலத்தில் நாம் செழித்து வளருவதற்கான நேர்மறையான மாற்றத்தை இது உறுதி செய்கிறது என்பதை நான் அறிவேன். மார்ச் 13 அன்று, 'ஆங்ரேஸி மீடியம்' வெளியாகும், மற்றும் ஜூன் 5, 2020 அன்று 'ரூஹி- அப்சானா' வெளிவரும். " என்றார்.
"ஆங்ரேஸி மீடியம்", படத்தில் தந்தை, இர்ஃபான் கானுக்கும் மகள் ராதிகா மதனுக்கும் இடையே உள்ள அழகான உறவைப் பற்றியது.
ஹோமி அடஜானியா இயக்கியுள்ள இந்தப்படத்தில் இர்ஃபான் கான், கரீனா கபூர் கான், டிம்பிள் கபாடியா, பங்கஜ் திரிபாதி, தீபக் டோப்ரியல், ரன்வீர் ஷோரே உள்ளிட்ட பலர் நடித்துள்ளனர்.