தெலுங்கில் அறிமுகமாகும் நஸ்ரியா!

நானிக்கு ஜோடியாகத் தெலுங்குப் படத்தில் நடிக்க முதல்முறையாக ஒப்பந்தம் ஆகியுள்ளார் நடிகை நஸ்ரியா.

2013 முதல் படங்களில் கதாநாயகியாக நடித்து வருகிறார் நஸ்ரியா. நேரம், ராஜா ராணி, நையாண்டி, வாயை மூடி பேசவும், திருமணம் எனும் நிக்காஹ் ஆகிய தமிழ்ப் படங்களிலும் நடித்துள்ளார். 2014-ல் பிரபல மலையாள நடிகர் ஃபஹத் ஃபாசிலைத் திருமணம் செய்தார். 

திருமணத்துக்குப் பிறகு கணவருடன் இணைந்து டிரான்ஸ் படத்தில் நடித்தார் நஸ்ரியா. 

இந்நிலையில் இதுவரை தெலுங்குப் படத்தில் நடிக்காத நஸ்ரியா, முதல்முறையாக நானிக்கு ஜோடியாக தெலுங்குப் படம் ஒன்றில் நடிக்கவுள்ளார். விவேக் ஆத்ரேயா இயக்கும் இப்படத்தின் தலைப்பு, நவம்பர் 21 அன்று வெளியிடப்படும் என அறிவிக்கப்பட்டுள்ளது.