நாக சைதன்யா, சாய் பல்லவி நடிப்பில் உருவாகியிருக்கும் தெலுங்கு திரைப்படம் லவ் ஸ்டோரி செப்டம்பர் 10-ம் தேதி திரையரங்குகளில் வெளியாகிறது.

ஃபிடா, ஹேப்பி டேஸ் போன்ற படங்களை இயக்கிய சேகர் கம்முலா தற்போது நாக சைதன்யா, சாய் பல்லவியை வைத்து லவ் ஸ்டோரி படத்தை இயக்கியிருக்கிறார். சேகர் கம்முலாவும், சாய் பல்லவியும் 2017-இல் வெளியாகி ஹிட் அடித்த ஃபிடாவுக்குப் பிறகு மீண்டும் இந்தப் படத்தில் இணைந்துள்ளனர்.

இதையும் படிக்க | சினிமா கதாநாயகியாகும் விஜய் டிவி நடிகை: வெளியான புகைப்படம்

இந்த நிலையில், பட வெளியீட்டுத் தேதியை குழுவினர் புதன்கிழமை வெளியிட்டனர். இந்தப் படம் செப்டம்பர் 10-ம் தேதி விநாயகர் சதுர்த்திக்கு திரையரங்குகளில் வெளியாகிறது.

இதுபற்றி சாய் பல்லவி பேஸ்புக் பக்கத்தில் பதிவிட்டுள்ளது:

"இறுதியாக!!! செப்டம்பர் 10-ம் தேதி அனைவரையும் சந்திக்கிறோம்."