தமிழ், தெலுங்கு, கன்னடம், மலையாளம் உள்ளிட்ட மொழிகளில் பிரபலமாக இருப்பவர் நடிகை சுஜா வருணி. தமிழில் இந்திரலோகத்தில் நா அழகப்பன், வைத்தீஸ்வரன், எங்கள் ஆசான், மிளகா உள்ளிட்ட படங்களில் முக்கிய வேடங்களில் நடித்திருந்தார். 

கிடாரி படத்தில் இவரது நடிப்பு கவனம் பெற்றது. மேலும் ஏராளமான படங்களில் ஒரு பாடலுக்கு நடனமாடியுள்ளார். பிக்பாஸ் முதல் சீசன் நிகழ்ச்சியில் கலந்துகொண்ட அவர் இந்த நிகழ்ச்சியின் மூலம் ரசிகர்களிடையே பிரபலமானார். 

இதையும் படிக்க | விஷ்ணு விஷால் - கௌதம் மேனனின் 'எஃப்ஐஆர்': ஓடிடி வெளியீடா?: அதிகாரப்பூர்வ தகவல்​

சிவாஜியின் பேரனும், தயாரிப்பாளரும் நடிகருமான ராம்குமாரின் மகனுமான சிவகுமாரை காதல் திருமணம் செய்துகொண்டார் சுஜா வருணி. இருவருக்கும் அத்வைத் என்ற ஆண் குழந்தையுள்ளது.

இந்த நிலையில் சுஜா வருணி தற்போது சன் டிவியில் ஒளிபரப்பாகும் அன்பே வா தொடரில் சிறப்பு வேடத்தில் நடிக்கிறார். அவரது வேடம் அன்பே வா தொடரில் திருப்புமுனையை ஏற்படுத்தும் என்று கூறப்படுகிறது.