ஜெயில் படத்துக்கு அடுத்ததாக வசந்தபாலன் இயக்கும் படத்தின் கதாநாயகனாக அர்ஜுன் தாஸ் தேர்வாகியுள்ளார்.

ஜி.வி. பிரகாஷ், அபர்னதி நடிப்பில் ஜெயில் என்கிற படத்தை இயக்கியுள்ளார் வசந்தபாலன். ஆல்பம், வெயில், அங்காடித் தெரு, அரவான், காவியத் தலைவன் ஆகிய படங்களை அவர் இயக்கியுள்ளார். ஜெயில் படம் விரைவில் வெளிவரவுள்ளது. 

தனது விருதுநகர் பள்ளி நண்பர்களுடன் இணைந்து அர்பன் பாய்ஸ் ஸ்டூடியோஸ் என்கிற தயாரிப்பு நிறுவனத்தை வசந்தபாலன் தொடங்கியுள்ளார். இந்நிறுவனத்தின் முதல் படத்தை வசந்தபாலன் இயக்குகிறார். 

வசந்தபாலன் இயக்கும் படத்தின் கதாநாயகனாக கைதி, மாஸ்டர் படத்தில் நடித்த அர்ஜுன் தாஸ் தேர்வாகியுள்ளார்.  இதுகுறித்த அறிவிப்பு வெளியாகியுள்ளது.