பொங்கலுக்கு சன் டிவியில் 'சூரரைப் போற்று'

ஓடிடியில் நேரடியாக வெளியான சூர்யா நடித்த சூரரைப் போற்று படம், ஜனவரி 14 அன்று சன் டிவியில் ஒளிபரப்பாகவுள்ளது.’

சூர்யா நடிப்பில் இறுதிச்சுற்று சுதா கொங்கராவின் இயக்கத்தில் உருவான சூரரைப் போற்று படம் கடந்த வருடம் தீபாவளிக்கு அமேசான் பிரைம் ஓடிடி தளத்தில் வெளியானது. சூரரைப் போற்று, சூர்யாவின் 38-வது படம். கதாநாயகியாக மலையாள நடிகை அபர்ணா பாலமுரளி நடித்தார். இசை - ஜி.வி. பிரகாஷ். ஒளிப்பதிவு - நிகேத் பொம்மிரெட்டி. திரையரங்கில் வெளியாகாமல் நேரடியாக ஓடிடியில் வெளியானதால் பல்வேறு விமர்சனங்களை சூர்யா எதிர்கொண்டார். 

ஓடிடியில் முதலில் வெளியான சூரரைப் போற்று படம் அடுத்ததாகத் தொலைக்காட்சியில் ஒளிபரப்பாகவுள்ளது. ஜனவரி 14 அன்று மாலை 6.30 மணிக்கு சன் டிவியில் சூரரைப் போற்று படம் ஒளிபரப்பாகவுள்ளதாக அறிவிக்கப்பட்டுள்ளது.