ஹாலிவுட் பிரபலம் கிறிஸ்டோபர் நோலன் இயக்கத்தில் டெனெட் (Tenet) என்கிற படம் சமீபத்தில் வெளியானது.
ஜான் டேவிட் வாஷிங்டன், ராபர்ட் பட்டின்சன், எலிசபெத் டெபிக்கி, மைக்கேல் கைன், டிம்பிள் கபாடியா போன்றோர் நடித்த இந்தப் படம் இந்தியா உள்ளிட்ட ஏழு நாடுகளில் படமாக்கப்பட்டது.
டெனெட் படம், கடந்த வருடம் ஜூலை 17 அன்று வெளிவருவதாக இருந்தது. பிறகு கரோனா அச்சுறுத்தல் காரணமாக வெளியீட்டுத் தேதி மாற்றப்பட்டது. கடைசியில் இந்தியாவில் டிசம்பர் மாதம் வெளியானது. ஆங்கிலப் படமான டெனெட், இந்தியாவில் ஹிந்தி, தமிழ், தெலுங்கு ஆகிய மொழிகளில் டப் செய்யப்பட்டு வெளியிடப்பட்டது.
இந்நிலையில் டெனெட் படம் அமேசான் பிரைம் ஓடிடியில் வெளியாகியுள்ளது. தமிழ், ஹிந்தி, தெலுங்கு ஆகிய மொழிகளிலும் இப்படத்தைக் காண முடியும்.