தி ஃபேமிலி மேன் இணையத் தொடரில் நடித்துள்ள சமந்தாவுக்கு நடிகை கங்கனா ரணாவத் பாராட்டு தெரிவித்துள்ளார்.

2019 செப்டம்பரில் அமேசான் பிரைம் ஓடிடியில் வெளியான தி ஃபேமிலி மேன் இணையத் தொடர் ரசிகர்களின் பாராட்டைப் பெற்றது. மனோஜ் பாஜ்பாய், பிரியா மணி நடித்த இத்தொடரை ராஜ் & டி.கே. இயக்கியிருந்தார்கள்.

தி ஃபேமிலி மேன் இணையத் தொடரின் 2-வது பாகம் உருவாகியுள்ளது. இதில் இலங்கைத் தமிழராக நடிகை சமந்தா நடித்துள்ளார். தி ஃபேமிலி மேன் 2 ஜூன் 4 அன்று அமேசான் பிரைம் ஓடிடியில் ஹிந்தி, தமிழ், தெலுங்கு ஆகிய மொழிகளில் வெளியாகவுள்ளது.  இந்த அறிவிப்புடன் தி ஃபேமிலி மேன் 2 இணையத் தொடரின் டிரெய்லரும் சமீபத்தில் வெளியானது. 

இந்நிலையில் தி ஃபேமிலி மேன் இணையத் தொடரில் நடித்துள்ள சமந்தாவுக்குப் பாராட்டு தெரிவித்து நடிகை கங்கனா ரணாவத் இன்ஸ்டகிராமில் எழுதியுள்ளார். டிரெய்லரைப் பார்த்த கங்கனா, என்னுடைய மனவலிமை கொண்டவர் என சமந்தாவுக்குப் பாராட்டு தெரிவித்துள்ளார்.