விஜய்க்கு ஜோடியாக நடிக்கும் ராஷ்மிகா: ரசிகர்களுக்கு இன்ப அதிர்ச்சி கொடுத்த தயாரிப்பு நிறுவனம்

பீஸ்ட் படத்தைத் தொடர்ந்து நடிகர் விஜய் நடிக்கும் படத்தை தெலுங்கு இயக்குநர் வம்சி இயக்கவிருக்கிறார். இவர் ஏற்கனவே தமிழில் கார்த்தி - நாகர்ஜுனா இணைந்து நடித்த தோழா படத்தை இயக்கியிருந்தார் என்பது குறிப்பிடத்தக்கது. 

இந்தப் படத்தை ஸ்ரீ வெங்கடேஸ்வரா கிரியேஷன்ஸ் சார்பாக தில் ராஜு தயாரிக்கிறார். தமன் இந்தப் படத்துக்கு இசையமைக்கவிருக்கிறார். இந்தப் படத்தில் விஜய்க்கு ஜோடியாக ராஷ்மிகா நடிக்கவிருப்பதாக தகவல் வெளியானது. 

இதையும் படிக்க | விஜயகாந்த் நடிப்பதை உறுதிசெய்த இயக்குநர்: உற்சாகத்தில் ரசிகர்கள்​

இந்த நிலையில் ராஷ்மிகாவின் பிறந்த நாளை முன்னிட்டு தயாரிப்பு நிறுவனம் அறிவிப்பு ஒன்றை வெளியிட்டுள்ளது. அதில் விஜய்க்கு ஜோடியாக ராஷ்மிகா நடிக்கவிருப்பதை உறுதி செய்துள்ளது. இந்தத் தகவல் ரசிகர்களை உற்சாகத்தில் ஆழ்த்தியுள்ளது.