'நேர்கொண்ட பார்வை', 'வலிமை' படங்களுக்கு பிறகு இயக்குநர் வினோத், நடிகர் அஜித், தயாரிப்பாளர் போனி கபூர் கூட்டணி இணைந்துள்ள படம் 'ஏகே 61'. இந்தப் படத்தின் படப்பிடிப்பு ஹைதராபாத்தில் உள்ள ராமோஜி ஃபிலிம் சிட்டியில் இன்று (ஏப்ரல் 11) பூஜையுடன் துவங்கியது. 

இந்தப் படம் வங்கிக் கொள்ளையை அடிப்படையாகக் கொண்டு உருவாகிறதாம். இதற்காக ராமோஜி ஃபிலிம் சிட்டியில் வங்கி ஒன்று உருவாக்கப்பட்டுள்ளதாக கூறப்படுகிறது. இந்தப் படத்தில் நடிக்கும் பிற நடிகர்கள் மற்றும் தொழில்நுட்ப கலைஞர்கள் குறித்த விவரங்கள் விரைவில் தெரியவரும்.

இதையும் படிக்க | ஹிந்தியில் 'கேஜிஎஃப் 2'-க்கு கிடைத்த வரவேற்பால் தள்ளிப்போனது 'ஜெர்சி' வெளியீடு

குறிப்பாக ஏகே 61 படத்தின் இசையமைப்பாளர் யார் என்ற எதிர்பார்ப்பு ரசிகர்களிடையே எழுந்துள்ளது. காரணம் வலிமை படத்தின்போது யுவனுடன் இயக்குநர் வினோத்துக்கு ஏற்பட்ட கருத்து வேறுபாடு காரணமாக வலிமை படத்துக்கு ஜிப்ரான் பின்னணி இசையமைத்திருந்தார் என்பது குறிப்பிடத்தக்கது.