விஜய்யின் 67 படத்தின் பூஜை சென்னையில் உள்ள ஏவிஎம் ஸ்டூடியோவில் இன்று நடைபெற்றுள்ளது.

நடிகர் விஜய் தற்போது வம்சி இயக்கத்தில் வாரிசு என்ற திரைப்படத்தில் நடித்து வருகிறார். இந்த திரைப்படம் பொங்கல் வெளியீடாக திரைக்கு வரவுள்ளது. இந்தப்படத்தை தொடர்ந்து லோகேஷ் கனகராஜ் இயக்கும் புதிய திரைப்படத்தில் நடிப்பார் என ஏற்கனவே தகவல் வெளியானது. தற்போது இந்தத் தகவல் உறுதியாகியுள்ளது. 

இதையும் படிக்க- கதையில் மாற்றம்: வணங்கான் படத்தில் இருந்து விலகினார் சூர்யா​

லலித் குமார் தயாரிப்பில் லோகேஷ் கனகராஜ் இயக்கும் விஜய்யின் 67வது படத்தின் பூஜை சென்னையில் உள்ள ஏவிஎம் ஸ்டூடியோவில் இன்று நடைபெற்றுள்ளது. மேலும் விஜய் 67 பட அறிவிப்பு டீசர் படப்பிடிப்பிற்காக பிரசாத் லேப்பில் இரண்டு செட்கள் அமைக்கப்பட்டுள்ளதாகவும் கூறப்படுகிறது.

அதேசமயம் படம் குறித்த அதிகாரபூர்வ அறிவிப்பை தயாரிப்பு தரப்பு டிசம்பர் 31 ஆம் தேதி வெளியிடலாம் எனத் தெரிகிறது. விஜய் 67 படம் முழுக்க முழுக்க கேங்ஸ்டர் பின்னணியில் தயாராக உள்ளதால் விஜய் ரசிகர்கள் பெரும் மகிழ்ச்சியில் உள்ளனர்.

ஏற்கனவே லோகேஷ் கனகராஜ் - விஜய் கூட்டணியில் 2019ல் வெளியான மாஸ்டர் படம் நல்ல வரவேற்பை பெற்றது என்பது குறிப்பிடத்தக்கது.