விஜய் டிவியில் ஒளிபரப்பாகும் கமல்ஹாசன் தொகுத்து வழங்கும் பிக்பாஸ் நிகழ்ச்சி பரபரப்பான கட்டத்தை எட்டியுள்ளது. அமீர் டிக்கெட் டு ஃபினாலே போட்டியில் வென்று நேரடியாக இறுதிப் போட்டிக்கு செல்லும் வாய்ப்பை பெற்றார். 

இந்த நிலையில் கடந்த வாரம் பிக்பாஸ் நிகழ்ச்சியில் இருந்து சஞ்சீவ் வெளியேறினார். இவர் வைல்டு கார்டு மூலம் பிக்பாஸ் நிகழ்ச்சிக்கு நுழைந்து சில வாரங்களே ஆனது என்பது குறிப்பிடத்தக்கது. எதிர்பாராதது எல்லாம் நடைபெற்று வருவதால் இந்த முறை யார் பிக்பாஸ் நிகழ்ச்சியில் வெற்றிபெறுவார் என்பது கணிப்பதற்கு சற்று சிரமமாகவே இருக்கிறது. 

இதையும் படிக்க | அதர்வா, சரத்குமார், ரகுமான் இணையும் 'நிறங்கள் மூன்று': முதல் பார்வை போஸ்டர் இதோ

இந்த நிலையில் சமீபத்தில் பிக்பாஸ் நிகழ்ச்சியில் இருந்து வெளியேறிய சஞ்சீவை வருண் மற்றும் அக்சரா சந்தித்துள்ளனர். அப்போது எடுத்துக்கொண்ட புகைப்படத்தை வருண் தனது இன்ஸ்டாகிராம் பக்கத்தில் பகிர்ந்துள்ளார். 

கௌதம் மேனன் இயக்கத்தில் வருண் நடித்திருந்த ஜோஷ்வா இமை போல் காக்க படத்தின் டிரெய்லர் சமீபத்தில் வெளியாகி வரவேற்பை பெற்றது குறிப்பிடத்தக்கது.