கரோனா மற்றும் ஒமைக்ரான் பரவல் அதிகரித்திருப்பதன் காரணமாக பொங்கலை முன்னிட்டு வெளியாகவிருந்த ராதே ஷ்யாம், ஆர்ஆர்ஆர், வலிமை படங்களின் வெளியீடு தள்ளி வைக்கப்பட்டுள்ளது. 

இந்த நிலையில் சிறிய முதலீட்டில் உருவாகும் படங்கள் பொங்கலை முன்னிட்டு வெளியாக திட்டமிட்டு வருகின்றன. அதன் ஒரு பகுதியாக விஷாலின் வீரமே வாகை சூடும் திரைப்படம் பொங்கலுக்கு வெளியாகும் என்று தகவல் வெளியானது. 

இதையும் படிக்க | 'புஷ்பா' பட ஓ சொல்றியா மாமா விடியோ பாடல் வெளியானது

இதன் ஒரு பகுதியாக பொங்கலை முன்னிட்டு வருகிற 13 ஆம் தேதி நடிகர் சசிகுமாரின் கொம்பு வச்ச சிங்கம்டா திரைப்படம் வெளியாகும் என்று அறிவிக்கப்பட்டுள்ளது. இந்தப் படத்தை சுந்தரபாண்டியன் பட இயக்குநர் எஸ்.ஆர்.பிரபாகரன் இயக்கியுள்ளதால் இந்தப் படத்தின் மீதான எதிர்பார்ப்பு அதிகரித்துள்ளது.