திரைப்படத்துறையில் நடிகர் சிம்பு செய்த சாதனைக்காக அவருக்கு வேல்ஸ் பல்கலைக்கழகம் சார்பாக டாக்டர் பட்டம் இன்று வழங்கப்பட்டது. டாக்டர் படத்தை தயாரிப்பாளரும், கல்வியாளருமான ஐசரி கே.கணேஷ் சிம்புவுக்கு வழங்கினார். அப்போது எடுக்கப்பட்ட புகைப்படங்கள் சமூக வலைதளங்களில் வைரலாகி வருகிறது. 

டாக்டர் பெற்ற சிம்பு தனது அம்மா அப்பாவை சந்தித்து ஆசி பெற்றார். அவரது அப்பா டி.ராஜேந்தர் மற்றும் அமா உஷா ராஜேந்தர் இருவரும் சிம்புவை ஆரத்தழுவி முத்தமிட்டனர். இந்தக் காட்சிகள் புகைப்படங்களாக சமூக வலைதளங்களில் பரவி, காண்போரை நெகிழ்ச்சியில் ஆழ்த்தி வருகிறது.

இதையும் படிக்க | ''இரண்டாவது முறையாக எனக்கு கரோனா, அறிகுறிகள் இதுதான்'' - நடிகை ரைசா உருக்கம்

சிம்பு தற்போது வேல்ஸ் ஃபிலிம்ஸ் இண்டர்நேஷனல் தயாரிக்கும் வெந்து தணிந்தது காடு படத்தில் நடித்து வருகிறார். இந்தப் படத்தை கௌதம் மேனன் இயக்கி வருகிறார். இந்தப் படத்தின் டீசர் சமீபத்தில் வெளியாகி வைரலாகி வருகிறது. இதனையடுத்து வேல்ஸ் ஃபிலிம்ஸ் இண்டர்நேஷனல் தயாரிக்கும் கொரோனா குமார் படத்திலும் சிம்பு நடிக்கவிருக்கிறார்.