சூர்யா தயாரிப்பில் கார்த்தி நடித்துள்ள விருமன் படத்துக்கு தணிக்கைத் துறை யு/ஏ சான்றிதழ் அளித்துள்ளதாக தகவல் வெளியாகியுள்ளது.
2டி எண்டர்டெயின்மென்ட் சார்பில் சூர்யா - ஜோதிகா இணைந்து தயாரிக்கும் விருமன் படத்தில் கார்த்தி நாயகனாக நடித்துள்ளார். முத்தையா இந்தப் படத்தை இயக்கியுள்ளார். இந்தப் படம் ஆகஸ்ட் 31 ஆம் தேதி வெளியாகும் என்று அறிவிக்கப்பட்டிருந்தது.
இந்தப் படத்திலிருந்து யுவன் ஷங்கர் ராஜா இசையில் கஞ்சா பூ கண்ணால என்ற பாடல் வெளியாகி நல்ல வரவேற்பை பெற்றுவருகிறது. மற்ற பாடல்களும் டிரெய்லரும் விரைவில் வெளியாகும் என்று எதிர்பார்க்கப்படுகிறது.
இதையும் படிக்க | எச்.வினோத் - விஜய் சேதுபதி கூட்டணியில் புதிய படம்?
இந்த நிலையில் இந்தப் படத்துக்கு தணிக்கைத் துறை யு/ஏ சான்றிதழ் அளித்துள்ளதாம். அதாவது பெற்றோர்களின் மேற்பார்வையில் குழந்தைகள் இந்தப் படத்தைப் பார்க்கலாம் என்பது அதன் பொருள்.
இந்தப் படத்தில் கார்த்திக்கு ஜோடியாக இயக்குநர் ஷங்கரின் மகள் அதிதி ஷங்கர் நடிக்க, ராஜ்கிரண் முக்கியமான வேடத்தில் நடித்துள்ளார். முத்தையா - கார்த்தி கூட்டணியில் முன்னதாக வெளியான கொம்பன் படம் நல்ல வெற்றியை பதிவு செய்துள்ளதால் இந்தப் படத்தின் மீதான எதிர்பார்ப்பு அதிகரித்துள்ளது.