நடிகர் தனுஷ் நடிப்பில் உருவாகி வரும் நானே வருவேன் திரைப்படத்தின் புதிய போஸ்டர் சனிக்கிழமை வெளியானது.

'என்ஜிகே' படத்துக்கு பிறகு செல்வராகவன் இயக்கி வரும் 'நானே வருவேன்' படத்தில் தனுஷ் நாயகனாக நடித்து வருகிறார். இந்தப் படத்தின் படப்பிடிப்பு விறுவிறுப்பாக நடைபெற்று வருகிறது. 

இதையும் படிக்க | தேவர் சிலைக்கு மாலை அணிவிக்க சசிகலா மறுப்பு? தொண்டர்கள் போராட்டம்.. நடந்தது என்ன?

இந்த நிலையில் இந்தப் படத்தின் புதிய போஸ்டர் தற்போது வைரலாகி வருகிறது. நடிகர் தனுஷ் மற்றும் இயக்குநர் செல்வராகவன் இடம்பெற்றுள்ள இந்த போஸ்டரானது ரசிகர்களின் வெகுவான வரவேற்பைப் பெற்றுள்ளது. இயக்குநர் செல்வராகவனின் பிறந்தநாளை முன்னிட்டு இந்த போஸ்டரை படக்குழு வெளியிட்டுள்ளது.

நானே வருவேன் படத்துக்கு யுவன் ஷங்கர் ராஜா இசையமைக்க, ஓம் பிரகாஷ் ஒளிப்பதிவு செய்துள்ளார். இந்தப் படத்தில் யோகி பாபு, இந்துஜா உள்ளிட்டோர் முக்கிய வேடங்களில் நடிக்கின்றனர்.

இதையும் படிக்க | உக்ரைன் விவகாரம்: பிரதமர் மோடி ஆலோசனை

நீண்ட இடைவேளைக்கு பிறகு இயக்குநர் செல்வராகவன் இயக்கத்தில் நடிகர் தனுஷ் நடிப்பதால் இந்தப் படத்தின் மீதான எதிர்பார்ப்பு ரசிகர்களிடையே அதிகரித்துள்ளது. இந்தப் படத்தை தாணு தயாரிக்கிறார்.