மெஹந்தி சர்க்கஸ் திரைப்படத்தின் கதாநாயகன் மாதம்பட்டி ரங்கராஜ் இயக்குநர் சீனு ராமசாமி இயக்கத்தில் நடிக்க உள்ளதாக அறிவிப்பு வெளியாகியுள்ளது. 

மெஹந்தி சர்க்கஸ் திரைப்படத்தின் மூலம் பிரபலமானவர் மாதம்பட்டி ரங்கராஜ். கடந்த 2019ஆம் ஆண்டு வெளியான இந்தத் திரைப்படத்தை சரவணா ராஜேந்திரன் இயக்கினார். இளைஞர்களிடையே நல்ல வரவேற்பைப் பெற்ற இந்தத் திரைப்படத்தில் நடித்த ரங்கராஜ் அதற்கு பிறகு எந்தத் திரைப்படத்திலும் நடிக்காமல் இருந்தார். 

இதையும் படிக்க | இயக்குநர் மிஷ்கின் இசையமைக்கும் 'டெவில்' பட முக்கிய அப்டேட்

இந்நிலையில் இயக்குநர் சீனு ராமசாமி உடன் மாதம்பட்டி ரங்கராஜ் இணைய உள்ளதாக அறிவிப்பு வெளியாகியுள்ளது. 

காதல் கதையை அடிப்படையாக வைத்து தயாராகும் இந்தத் திரைப்படத்தை மாதம்பட்டி சினிமாஸ் நிறுவனம் தயாரிக்கிறது. இந்தப் படத்தில் நடிப்பவர்களின் விவரங்கள் விரைவில் வெளியாகும் என எதிர்பார்க்கப்படும் நிலையில் டிசம்பர் மாதம் படப்பிடிப்பு தொடங்க உள்ளது.