ஹன்சிகாவின் 50வது படமான 'மஹா' படம் வருகிற ஏப்ரல் 28 ஆம் தேதி வெளியாகவுள்ளது. மாலிக் ஸ்ட்ரீம்ஸ் மற்றும் எட்செட்ரா எண்டர்டெயின்மென்ட் நிறுவனமும் இணைந்து இந்தப் படத்தை தயாரித்துள்ளன. யு.ஆர்.ஜமீல் இந்தப் படத்தை இயக்கியுள்ளார். 

நடிகர் சிம்பு இந்தப் படத்தில் சிறப்பு வேடத்தில் நடித்துள்ளார். இந்தப் படத்துக்கு ஜிப்ரான் இசையமைக்க, லக்ஷ்மன் ஒளிப்பதிவு செய்துள்ளார். படம் உருவாகி 2 ஆண்டுகளாக வெளியாகமல் இருந்த நிலையில் இந்த வெளியீட்டு அறிவிப்பு வெளியாகியுள்ளது. 

இதையும் படிக்க | கமல்ஹாசனின் 'விக்ரம்' படத்தில் அமிதாப் பச்சன்?

'வாலு' படத்துக்கு பிறகு சிம்புவும் ஹன்சிகாவும் இணைந்து நடித்துள்ளனர். 'வாலு' படத்தில் நடிக்கும்போது இருவரும் காதலிப்பதாக செய்திகள் வெளியானது குறிப்பிடத்தக்கது. மேலும் நெல்சனின் 'வேட்டை மன்னன்' படத்திலும் இருவரும் இணைந்து நடித்தனர். சில காரணங்களால் அந்தப் படம் முடிவடையாமல் இருக்கிறது.