பா.ரஞ்சித்தின் 'ஜே.பேபி' முதல் பார்வை போஸ்டர் வெளியீடு: கதை இதுதான்!

கோல்டன் ரேசியோ ஃபிலிம்ஸ் மற்றும் லிட்டில் ரெட் கார் ஃபிலிம்ஸ் நிறுவனங்களுடன் இணைந்து இயக்குநர் பா.ரஞ்சித் படங்களை தயாரித்து வருகிறார். முன்னதாக 'ரைட்டர்' படத்தை மேலே குறிப்பிட்ட நிறுவனங்களுடன் இணைந்து பா.ரஞ்சித் தயாரித்திருந்தார். 

தற்போது இந்த கூட்டணி இரண்டாவது முறையாக இணைந்துள்ள படம் 'ஜே பேபி'. இந்தப் படத்தை அறிமுக இயக்குநர் சுரேஷ் மாரி இயக்குகிறார். இந்தப் படத்தில் தினேஷ், ஊர்வசி, மாறன் ஆகியோர் முக்கிய வேடங்களில் நடித்துள்ளனர். 

அம்மா மற்றும் அவரது இரண்டு மகன்கள் பற்றிய கதை எனவும், சென்டிமென்ட் மற்றும் நகைச்சுவை கலந்து இந்தப் படம் உருவாகி வருவதாக கூறப்படுகிறது. 

இதையும் படிக்க | 'தமிழர்களுக்கு? தெலுங்கர்களுக்கு?' - அமைச்சர் ராஜகண்ணப்பன் விவகாரம் தொடர்பாக பா.ரஞ்சித் ஆவேசம்​

'பாரம்' படத்தின் ஒளிப்பதிவாளர் ஜெயந்த் சேது மாதவன் இந்தப் படத்துக்கு ஒளிப்பதிவு செய்கிறார். டோனி பிரிட்டோ இந்தப் படத்துக்கு இசையமைக்கிறார். தொடர்ந்து தரமான படங்களை பா.ரஞ்சித் தயாரித்துவருவதால், அவர் அடுத்ததாக தயாரிக்கும் 'ஜே.பேபி' படத்தின் மீதான எதிர்பார்ப்பு அதிகரித்துள்ளது.