ஜீ தமிழ் தொலைக்காட்சியில் ஒளிபரப்பாகிவரும் சண்டக்கோழி தொடர் 100 நாள்கள் (எபிஸோடுகள்) வெற்றிகரமாக ஒளிபரப்பாகியுள்ளது. 

இந்தத் தொடரில் ரியா விஸ்வநாதன் முதன்மை பாத்திரத்தில் நடிக்கிறார். இவர் விஜய் தொலைக்காட்சியில் ஒளிபரப்பான ராஜா ராணி தொடரில் நடித்து பலரின் கவனத்தை ஈர்த்தவர். 

ஜீ தமிழ் தொலைக்காட்சியில் சண்டக்கோழி தொடர் திங்கள் முதல் சனிக்கிழமை வரை பிற்பகல் 2.15 மணிக்கு ஒளிபரப்பாகி வருகிறது. இந்தத் தொடரில் ரியா விஸ்வநாதன் நாயகியாக நடிக்கிறார். அவருக்கு ஜோடியாக நியாஸ் நடிக்கிறார். இவர் புதுப்புது அர்த்தங்கள் தொடரில் நாயகனாக நடித்தவர். 

இவர்களுடன் விஜே கதிர், சுப்பலட்சுமி, கிருபா உள்ளிட்டோர் நடித்துவருகின்றனர். இந்தத் தொடர் கடந்த மே 8ஆம் தேதி முதல் ஒளிபரப்பாகிவருகிறது. 

தற்போது இந்தத் தொடர் 100 நாள்களை நிறைவு செய்துள்ளதால், அதனை குழுவினர் கேக் வெட்டி கொண்டாடியுள்ளார். இந்த புகைப்படங்களை படக்குழுவினர் பகிர்ந்துள்ளனர்.