மதுரா டாக்கீஸ் மற்றும் ஆஞ்சநேயா ப்ரோடக்ஷன்ஸ் கே.கந்தசாமி மற்றும் கே. கணேசன் வழங்கும் புதிய படத்தை இயக்குனர் கண்ணுச்சாமி ராமச்சந்திரன் இயக்கியுள்ள படம் ‘வட்டார வழக்கு’.

‘டுலெட்’ படத்தின் மூலம் கவனம் பெற்ற சந்தோஷ் உடன் மாமன்னன் படத்தின் மூலம் புகழ்பெற்ற நாயகி ரவீனா ரவி, வெங்கடேசன், விசித்திரன் உட்பட பலர் நடித்துள்ளார்கள்.  

இதையும் படிக்க: போலியான பெண்ணியவாதிகளை நினைத்து எனக்கு பயமில்லை: அனிமல் பட இயக்குநர் விளக்கம்!

இசையமைப்பாளர் இளையராஜா இந்தப் படத்துக்கு இசையமைத்துள்ளார். டோனிஜான், சுரேஷ் ஒளிப்பதிவு செய்துள்ளனர். படம் பற்றி இயக்குநரும் தயாரிப்பாளருமான கண்ணுச்சாமி ராமச்சந்திரன், “இது 1985-ல் நடப்பது போன்ற கதையைக் கொண்ட படம். உறவினர்களுக்குள் நடக்கும் பிரச்சினையை மையமாக வைத்துஉருவாகி இருக்கிறது.

ஒரு வட்டாரத்தில் நடக்கும் வழக்கை இந்தப் படம் பேசுவதால் ‘வட்டார வழக்கு’ என்று தலைப்பு வைத்துள்ளோம். மதுரை மேற்கு பகுதியில் உள்ள கிராமத்துப் பின்னணியில் படம் உருவாகி இருக்கிறது” எனக் கூறியுள்ளார். 

இதையும் படிக்க: ஜித்தன் ரமேஷின் புதிய படம்: ரிலீஸ் தேதி அறிவிப்பு!

படத்தின் டிரைலர் வெளியாகி மக்களின் கவனத்தை ஈர்த்துள்ளது. இதன் மேக்கிங் சிறப்பாக இருப்பதாக மக்கள் கமெண்டுகளில் கருத்து தெரிவித்து வருகின்றனர். 

இந்தப் படம் வரும் டிச.29ஆம் தேதி வெளியாக உள்ளது.