ஜீ தமிழ் தொலைக்காட்சியில் ஒளிபரப்பாகி வரும் ''மீனாட்சி பொண்ணுங்க'' தொடர் ஒளிபரப்பாகும் நேரத்தை ஜீ தமிழ் தொலைக்காட்சி மாற்றியமைத்துள்ளது. 

புதிய தொடராக 'சீதா ராமன்' ஒளிபரப்பாகவுள்ளதைத் தொடர்ந்து இந்த நேர மாற்றம் கொண்டுவரப்பட்டுள்ளது. வரும் திங்கள் கிழமைமுதல் புதிய நேரத்தில் 'மீனாட்சி பொண்ணுங்க' தொடர் ஒளிபரப்பாகும். 

படிக்க | தன்னைத்தானே திருமணம் செய்துகொண்ட 'பாக்கியலட்சுமி' தொடர் ரித்திகா!

ஜீ தமிழ் தொலைக்காட்சியில் முக்கிய நேரமான பிரைம் டைம் சீரியல்களில் 'மீனாட்சி பொண்ணுங்க' தொடர் முக்கிய இடம் பிடித்துள்ளது. இந்தத் தொடருக்கு ரசிகர்கள் மத்தியிலும் மிகுந்த வரவேற்பு கிடைத்து வருகிறது. 

இந்தத் தொடரில் அர்ச்சனா, செளந்தர்யா ரெட்டி, ஆர்யன் உள்ளிட்டோர் முதன்மை பாத்திரத்தில் நடித்து வருகின்றனர். இந்த தொடரில் இடம்பெறும் செளந்தர்யா - ஆர்யன் (சீரியலில் சக்தி - வெற்றி) இடையேயான காதல் காட்சிகள் இளம் தலைமுறையினரையும் கவர்ந்துள்ளது.

'மீனாட்சி பொண்ணுங்க' தொடர் கடந்த சில நாள்களாக 9.45 மணிக்கு ஒளிபரப்பாகி வந்த நிலையில், தற்போது பழைய படி இரவு 9.30 மணிக்கு ஒளிபரப்பாகும் எனத் தகவல் தெரியவந்துள்ளது.