'விஜய் 67' படத்தில் இணையும் விக்ரம் பட நடிகர்!

விஜய் 67 படத்தில் முக்கிய பிரபலம் ஒருவர் இணைந்துள்ளதாக தகவல் வெளியாகியுள்ளது.

தெலுங்கு இயக்குநர் வம்சி இயக்கத்தில் விஜய் நடித்துள்ள வாரிசு திரைப்படம் வெளியாகி கலவையான விமர்சனங்களைப் பெற்று வருகிறது. இதனைத் தொடர்ந்து, லோகேஷ் கனகராஜுடன் இரண்டாவது முறையாக விஜய் இணைந்துள்ளார்.

லோகேஷ் - விஜய்யின் முதல் படமான மாஸ்டர் கலவையான விமர்சனங்களை பெற்ற நிலையில், இந்த படம் முழுக்க முழுக்க லோகேஷ் ஸ்டைலில் தான் இருக்கும் எனத் தெரிவிக்கப்பட்டிருந்தது.

காதல் காட்சிகள், பாடல்கள் எதுவும் இல்லாமல் கைதி படம் போன்று முழுக்க முழுக்க பான் இந்தியா ஆக்‌ஷன் படமாக உருவாகிறது விஜய் 67.

இந்தப் படத்தில் இயக்குநர் கெளதம் வாசுதேவ் மேனன், மிஸ்கின், மன்சூர் அலிகான்,  சஞ்சய் தத் எனப் பலர் நடிக்கவுள்ளனர். மேலும், இப்படத்தின் புரோமோ படப்பிடிப்பு சென்னையில் படமாக்கப்பட்டு வருகிறது.

இந்நிலையில் விஜய் 67 படத்தில் பகத் பாசில் இணையவுள்ளதாக தகவல் வெளியாகியுள்ளது. இதுகுறித்து பகத் பாசில் விஜய் 67 படத்தில் நானும் இருக்கலாம் என தெரிவித்து இருப்பதாக தகவல்கள் தெரிவிக்கின்றன.

இதையும் படிக்க: அமெரிக்காவில் மீண்டும் துப்பாக்கிச் சூடு: 7 பேர் பலி

லோகேஷ் கனகராஜின் கடைசியாக இயக்கியிருந்த விக்ரம் படத்தில் கமல்ஹாசன் உடன்  முக்கிய வேடத்தில் பகத் பாசில் நடித்திருந்தார்.