நடிகர் தனுஷ், அருண் மாதேஸ்வரன் இயக்கும் கேப்டன் மில்லர் படத்தில் நடித்து வருகிறார். சத்ய ஜோதி ஃபிலிம்ஸ் தயாரிக்கும் இந்தப் படத்துக்கு ஜி.வி.பிரகாஷ் குமார் இசையமைக்கிறார்.  

கதாநாயகியாக பிரியங்கா மோகன் நடிக்க, முக்கிய வேடத்தில் சந்தீப் கிஷன் மற்றும் கன்னட சூப்பர் ஸ்டார் சிவராஜ் குமார் ஆகியோர் நடிக்கின்றனர். இப்படத்தின் டீசர் அடுத்த மாதம் வெளியாக உள்ளது. 

இதையும் படிக்க: விஜய் - லோகேஷ் கனகராஜ் - ராம் சரண் சந்திப்பு... இதற்காகவா?

படப்பிடிப்பு இறுதிக்கட்டத்தை நெருங்கியுள்ள நிலையில், முதல் பார்வை போஸ்டரை படக்குழுவினர் வெளியிட்டுள்ளனர்.

இந்நிலையில், இப்படத்தின் சண்டைக்காட்சிகள் யஷ் நடிப்பில் வெளியான கேஜிஎஃப் தரத்தில் உருவாக்கப்பட்டுள்ளதாகவும் தனுஷ் நூற்றுக்கும் மேற்பட்டவர்களை சுடுவதைப்போன்ற காட்சிகளும் இடம்பெற்றிருப்பதாக தகவல் வெளியாகியுள்ளது.